زەریف: ڕێککەوتنێکی باشتر لە ڕێککەوتنی ئەتۆمیمان نییە

(ABNA24.com) وەزیری دەرەوەی ئێران وتی: تیمی "ب" خولیای ڕێککەوتنێکی باشتر لە ڕێککەوتنی ئەتۆمیی ئێرانی خستە مێشکی سەرۆک کۆماری ئەمریکاوە.

"محەممەد جەواد زەریف" وەزیری دەرەوەی ئێران ڕۆژی دوشەممە لە لاپەڕەی شەخسیی خۆیدا لە تویتەر نووسی: تیمی "ب" خولیای ڕێککەوتنێکی باشتر لە ڕێککەوتنی ئەتۆمیی ئێرانی خستە مێشکی "دۆناڵد ترەمپ"ـەوە و وایان تێگەیاند کە  تیابردنی ڕێککەوتنی ئەتۆمیی ئێران بە تیرۆریزمی ئابووری، ڕێککەوتنێکی باشتری بە دواوە دەبێ.

"دۆناڵد ترەمپ"ی سەرۆک کۆماری ئەمریکا هەشتەمی مانگی مەی ٢٠١٨ بە شێوەی یەکلایەنە  و بە بنپێ کردنی بەڵێن و ئەستۆگرییەکانی واشینگتۆن بەرامبەر بە ڕێککەوتنی ئەتۆمیی نێوان ئێران و وڵاتانی پێنج کۆ یەک،  وڵاتەکەی لەو پەیمانە نێودەوڵەتییە بردە دەرەوە .

ئاماژەی وەزیری دەرەوەی  کۆماری ئیسلامیی ئێران بە "تیمی "ب" چەن کەسی شەڕخواز لە جیهانن کە پیتی یەکەمی ناو و یان نازناوەکەیان  "ب"ـیە.

"بنیامین نە تانیاهوو"ی سەرۆک وەزیرانی ڕژێمی زایۆنی، "محەممەد بن سەلمان" شالیاری سەعوودی، "محەممەد بن زاید"ی شالیاری ئیمارات و "جان بۆڵتۆن"ی ڕاوێژکاری ئاسایشی کۆشکی سپی.



/129